Frank Lampard, fyrrum leikmaður Chelsea, hefur staðfest það að hann sé í viðræðum við Derby County.
Derby leitar nú að nýjum knattspyrnustjóra en félagið missti Gary Rowett til Stoke fyrr í sumar.
Lampard hefur enn ekki tekið að sér starf sem aðalþjálfari en hefur rætt við Derby um að taka við keflinu.
,,Það er áhugi frá Derby, ég hef rætt við félagið. Ég er metnaðarfullur og vil gerast þjálfari,“ sagði Lampard.
,,Þetta er stórt félag með mikla sögu sem heillar mig. Við munum halda áfram að tala saman og sjá til.“