Varnarmaðurinn Kevin Wimmer hefur skrifað undir samning við þýska úrvalsdeildarfélagið Hannover.
Þetta var staðfest í dag en þessi 25 ára gamli leikmaður skrifar undir lánssamning út næstu leiktíð.
Wimmer kom til Stoke síðasta sumar frá Tottenham fyrir 18 milljónir punda en þótti ekki standa undir væntingum.
Wimmer spilaði aðeins 19 leiki fyrir Stoke og spilaði ekkert undir stjórn Paul Lambert hjá félaginu.
Stoke féll úr efstu deild á síðustu leiktíð og mun austurríski landsliðsmaðurinn nú snúa aftur til Þýskalands þar sem hann þekkir vel til.