Stjarnan 1-1 Grindavík
0-1 Rene Joensen(32′)
1-1 Guðmundur Steinn Hafsteinsson(79′)
Stjarnan og Grindavík skildu jöfn í Pepsi-deild karla í kvöld en sjötta umferð deildarinnar fór fram.
Grindavík komst yfir gegn gangi leiksins í dag er Rene Joensen skoraði eftir 32 mínútur í fyrri hálfleik.
Stjörnumenn voru mun sterkari aðilinn í leiknum og fengu ófá tækifæri til að skora annað mark.
Það heppnaðist að lokum er Guðmundur Steinn Hafsteinsson kom boltanum í netið á 79. mínútu leiksins.
Fleiri urðu mörkin ekki sem er í raun ótrúlegt en Stjörnumenn fengu mörg góð færi til að bæta við og gestirnir nokkur.