Mohamed Salah þurfti að yfirgefa völlinn í kvöld í úrslitaleik Meistaradeildar Evrópu í Úkraínu.
Salah hefur verið besti leikmaður Liverpool á tímabilinu en entist í aðeins hálftíma í leik kvöldsins.
Salah féll í grasið eftir baráttu við Sergio Ramos og gat ekki haldið áfram keppni vegna meiðslanna.
Salah stóð upp og hélt áfram í fyrstu en var sárkvalinn og gat á endanum ekki spilað. Adam Lallana leysti hann af hólmi.
Egyptinn var að vonum mjög sár með að yfirgefa völlinn og grét er honum var skipt útaf fyrir Lallana.
Cristiano Ronaldo var á meðal þeirra sem reyndu að hugga Salah er hann yfirgaf grasið.
Myndir af því má sjá hér.