Sadio Mane, stjarna Liverpool, verður í eldlínunni í kvöld er liðið mætir Real Madrid í úrslitum Meistaradeildarinnar.
Mane hefur verið einn mikilvægasti leikmaður Liverpool á tímabilinu en hann er partur af mikilvægri framlínu liðsins.
Þessi 26 ára gamli leikmaður hefur nú sent 300 Liverpool treyjur til þorpsins Bambali í suður Senegal.
Þar er Mane einmitt uppalinn og vill hann að fólk Bambali sé með það sem þarf til að styðja Liverpool í kvöld.
Mane keypti 300 treyjur fyrir bæinn þar sem búa tvö þúsund manns. Falleg gjöf sem mun væntanlega nýtast vel.