Loris Karius átti hörmulegt kvöld í kvöld er Liverpool mætti Real Madrid í úrslitum Meistaradeildarinnar.
Karius hefur staðið sig með prýði á þessari leiktíð en gerði sig sekan um tvö skelfileg mistök í leik kvöldsins.
Real Madrid vann að lokum 3-1 sigur en tvö af þeim mörkum skrifast algjörlega á þýska markvörðinn.
Karius ræddi aðeins við TalkSport eftir leikinn og segir þetta vera algjörlega sér að kenna.
,,Mistökin mín kostuðu mitt lið leikinn. Ég biðst innilegrar afsökunar,“ sagði Karius í samtali við TalkSport.
,,Ég finn ekki fyrir neinu þessa stundina. Ég tapaði þessum leik. Ef ég gæti farið til baka þá myndi ég gera það.“