Þór vann sigur á Fram í Inkasso-deild karla í dag í gríðarlega spennandi leik á Akureyri.
Þórsarar unnu 3-2 sigur á Fram en Framarar voru manni færri frá 32. mínútu er Kristófer Reyes fékk að líta rautt spjald.
Þrátt fyrir að hafa lent 2-0 undir náðu tíu Framarar að jafna metin og var staðan 2-2 þar til í blálokin.
Alvaro Montejo skoraði þá sigurmark Þórsara í leiknum en hann gerði einnig annað mark liðsins.
Fyrr í dag áttust þá við Selfoss og Magni og þar hafði Selfoss betur með tveimur mörkum gegn einu.
Þór 3-2 Fram
1-0 Sveinn Elías Jónsson
2-0 Alvaro Montejo
2-1 Guðmundur Magnússon
2-2 Orri Gunnarsson
3-2 Alvaro Montejo
Selfoss 2-1 Magni
1-0 Gilles Ondo
1-1 Sigurður Marínó Kristjánsson
2-1 Ingi Rafn Ingibertsson
