Fred, leikmaður Shakhtar Donetsk, segir að hann sé búinn að vera í viðræðum við Manchester City síðan í janúar.
Bæði City og Manchester United vilja fá Fred sem kostar í kringum 50 milljónir punda.
Fred veit þó einnig af áhuga United en hefur verið í meiri viðræðum við Englandsmeistarana.
,,Viðræðurnar eru komnar langt og staðan hefur verið þannig síðan í janúar,“ sagði Fred.
,,Það var möguleiki að fara til City. Stuttu eftir það þá ræddu bæði félögin við Shakhtar og umboðsmanninn minn um skipti.“
,,Ef ég hef ekki rangt fyrir mér var talað um stórt tilboð frá United. Umboðsmennirnir eru að sjá um þetta.“