Chelsea í ensku úrvalsdeildinni gæti verið að selja framherjann Michy Batshuayi til Þýskalands.
The Daily Mail greinir frá því í dag að Chelsea sé búið að ræða við Borussia Dortmund um sölu á leikmanninum.
Batshuayi skoraði níu mörk í 14 leikjum fyrir Dortmund á síðustu leiktíð áður en hann meiddisti illa.
Chelsea borgaði 33 milljónir punda fyrir Batshuayi frá Marseille en gæti fengið um 50 milljónir fyrir leikmanninn í dag.
Það er á hreinu að þessi 24 ára gamli leikmaður á ekki framtíð fyrir sér á Stamford Bridge og vill sjálfur komast annað.
