Age Hareide þjálfari Danmerkur hefur ákveðið að hjóla aðeins í Paul Pogba fyrir Heimsmeistaramótið.

Þar eru Danir í riðli með Frakklandi og er Hareide að kveikja upp í hlutunum fyrir þann leik.

Hann ákvað að ræða um hárið á Pogba sem vekur yfirleitt mikla athygli.

,,Gegn Manchester City þá var hárið hans blátt og hvítt, kannski verður það rautt og hvítt gegn okkur,“ sagði Hareide.

,,Er hárið það eina sem hann hugsar um?,“ bæti þjálfari Dana svo við.

Hareide er ekki sá eini sem gagnrýnir hárið á Pogba en margir vilja sjá hann einbeita sér meira að verkunum innan vallar.