Mark Hughes hefur skrifað undir þriggja ára samning við lið Southampton í ensku úrvalsdeildinni.
Þetta var staðfest í dag en Hughes tók við Southampton á þessu ári og tókst að bjarga liðinu frá falli.
Gengi liðsins undir stjórn Hughes var alls ekki frábært en það dugði til að halda sætinu í efstu deild.
Hughes fær nú verðlaun fyrir það og mun stýra liðinu áfram á næstu leiktíð.
Hughes hafði fyrir það undanfarin fimm ár stýrt liði Stoke og gert góða hluti áður en hann var rekinn í byrjun árs.