Eiður Smári Guðjohnsen telur að Antonio Conte stjóri Chelsea verði ekki stjóri liðsins á næstu leiktíð.
Flestir telja að Conte fari og er Eiður á sama máli en gustað hefur um hann á ný liðnu tímabili.
,,Þú vilt alltaf stöðugleika í þitt félag, þú vilt reyna að halda þessum hópi saman. Reyna svo að bæta við gæðum frekar en að breyta of miklu,“ sagði Eiður.
,,Sama á við um stjórann, þetta er ákvörðun fyrir þá sem stjórna hjá félaginu, í hvaða átt á að fara.“
,,Mín tilfinning er að Conte verði ekki þarna á næstu leiktíð, það er mín ágiskun.“
