,,Þetta eru mjög spennandi tímar,“ sagði Rúrik Gíslason kantmaður íslenska landsliðsins þegar hann mætti á sína fyrstu landsliðsæfingu fyrir HM.
Rúrik missti af sæti á Evrópumótið í Frakklandi og var því afar glaður að fá traustið frá þjálfarateyminu á þessari stundu.
,,Það er búið að bíða lengi eftir þessu, það var léttir að fá staðfestingu á því að maður sé með. Ég reyndi að hugsa ekki mikið um þetta, þetta var alltaf aftan í hausnum á manni.“
Rúrik fann fyrir stressi 11 maí þegar hann vissi að hópurinn yrði kynntur og leikmenn fengu skilaboð um hvort þeir færu með eða ekki.
,,Ég var stressaður, ég ætla að viðurkenna það. Það voru gríðarleg vonbrigði að fara ekki með á Evrópumótið og ég var að vona að það myndi ekki endurtaka sig.“
Rúrik ákvað að skipta um félag í janúar til að gefa sér meiri möguleika á að komast með á HM. ,,Ég var mjög ánægður með tímann hjá Sandhausen, það gekk allt upp. Þetta var áhætta sem ég tók, það getur alltaf dottið báðu megin þegar þú skiptir um lið.“
Viðtalð er í heild hér að neðan.