Björn Bergmann Sigurðarson var hress er við ræddum við hann á Laugardalsvelli í dag.
Björn er mættur til æfinga með íslenska landsliðinu en liðið undirbýr sig núna fyrir keppni á HM.
,,Það er mjög gaman að vera kominn heim en veðrið hefur verið slakt upp á síðkastið en það er geggjað að vera kominn á völlinn og æfa með strákunum,“ sagði Björn.
,,Ég fór úr axlalið fyrir þrem fjórum vikum og var að ströggla þar en náði svo síðasta leiknum með Rostov og er orðinn góður.“
,,Þetta kom mér á óvart hvað þetta var betri fótbolti en ég bjóst við og hversu mikið stærra þetta er en fólk kannski veit.“
,,Það bjargaði mér alveg, þegar ég fór þarna fyrst þá vissi ég að Sverrir væri þarna. Rússarnir höndla ekki alveg enskuna og svo kemur Raggi aðeins seinna.“
Nánar er rætt við Björn hér fyrir neðan.
