Logi Ólafsson, þjálfari Víkings R, var ánægður með spilamennsku sinna manna í kvöld eftir markalaust jafntefli við Breiðablik.

,,Mér fannst við svara kallinu ágætlega. Við vorum góðir í dag og sköpuðum okkur færi, sérstaklega í byrjun leiks,“ sagði Logi.

,,Það er alltaf markmiðið að fara í alla leiki án þess að fá á sig mark og það tókst okkur en við þurftum að nýta færin betur.“

,,Ég var ekki rólegur þegar það er skotið í slá og skallað í stöng, það er ekki hægt að vera rólegur þá,“ sagði Logi svo um lok leiksins þar sem Blikar ógnuðu mikið.

,,Kári Árnason verður að hafa fyrir því að komast í liðið. Það er alltaf pláss fyrir góða menn, þú veist það.“

Nánar er rætt við Loga hér fyrir neðan.