Randers hefur tryggt sér áframhaldandi sæti í dönsku úrvalsdeildinni eftir sigur á Lyngby.
Randers vann einvígið gegn Lyngby 4-2 en Hannes Þór Halldórsson er markvörður liðsins.
Hannes fór meiddur af velli í leik liðsins gegn Lyngby í dag. Hannes meiddist í fyrri hálfleik og fór af velli í hálfleik.
Meiðsli hans eru ekki alvarleg og kom fram í fréttum Stöðvar2 að Hannes yrði klár í slaginn.
,,Ég mun ná HM, ég fékk í nárann eftir 25 mínútur. Ég þekki líkamann það vel, ég hafði áhyggjur að þetta myndi versna,“ sagði Hannes.
,,Ég tek smá pásu áður en ég kem heim og hitti landsliðið, ég hef ekki áhyggjur af þessu.“
