Það eru stórar líkur á því að miðjumaðurinn Santi Cazorla muni yfirgefa lið Arsenal í sumar.
Cazorla hefur undanfarin ár verið að glíma við erfið meiðsli og hefur lítið spilað. Hann verður samningslaus í sumar.
Cazorla gefst þó ekki upp og vill halda áfram að spila en afar ólíklegt er að það verði hjá Arsenal.
Fyrrum félag hans, Villarreal, vinnur nú í því að fá leikmanninn aftur í sínar raðir.
,,Við myndum elska það að fá þessi skipti í gegn,“ sagði Marcos Senna, fyrrum liðsfélagi Cazorla og sendiherra Villarreal.
,,Það eru viðræður í gangi á milli félagsins og Santi Cazorla um að leikmaðurinn muni eyða undirbúningstímabilinu hér. Hann verður án félags.“