Paul Scholes, goðsögn Manchester United, segir að Alexis Sanchez verði að standa sig betur í treyju félagsins.
Scholes er orðinn þreyttur á frammistöðu sóknarmannsins og tjáði sig eftir 1-0 tap gegn Chelsea í úrslitum bikarsins í gær.
,,Hann verður að bæta sig. Frammistaðan hans getur ekki orðið mikið verri ef ég á að vera hreinskilinn,“ sagði Scholes.
,,Fyrstu leikir næsta tímabils eru mikilvægir fyrir hann. Hann þarf að fá stuðningsmenn til a ð trúa á ný, trúa að við getum komist nálægt City.“
,,Paul Pogba vinnur ekki leiki fyrir þig einn. Eden Hazard gerir það. Alexis Sanchez gerir það ekki, hann hefur ekki sýnt það síðan í janúar.“