Cristiano Ronaldo, leikmaður Real Madrid, vill sjá liðið styrkja sig í sumar samkvæmt fjölmiðlum ytra.
Ronaldo hefur áhyggjur af leikmannahóp Real og telur að önnur lið séu að komast fram úr Real á markaðnum.
Ronaldo hefur sérstaklega áhuga á tveimur leikmönnum sem hafa gert góða hluti á Englandi.
Samkvæmt fréttum vill Ronaldo sjá Real kaupa annað hvort Mohamed Salah frá Liverpool eða Eden Hazard frá Chelsea.
Salah hefur verið stórkostlegur fyrir Liverpool á tímabilinu og mætir einmitt Ronaldo í úrslitum Meistaradeildarinnar.
Framtíð Hazard er þá sögð í óvissu en óvíst er hver verður stjóri Chelsea á næstu leiktíð.