Andres Iniesta spilaði í kvöld sinn síðasta leik fyrir stórlið Barcelona. Hann kveður félagið í sumar.
Iniesta hefur lengi verið einn allra besti miðjumaður heims og hefur unnið allt mögulegt með Börsungum.
Spánverjinn gaf það út nýlega að hann væri á förum en ekki er talið að hann muni leggja skóna á hilluna strax.
Iniesta byrjaði fyrir Barcelona sem vann 1-0 sigur á Real Sociedad en Philippe Coutinho skoraði eina markið.
Iniesta fékk heiðursskiptingu á 82. mínútu leiksins og stóð allur Camp Nou upp og klappaði fyrir sínum manni.
