Paul Scholes, fyrrum leikmaður Manchester United, verður oft pirraður á að horfa á Eden Hazard, leikmann Chelsea.
Scholes er aðdáandi Hazard en hann segir að Belginn eigi meira inni og að hann sé ekki langt á eftir Cristiano Ronaldo og Lionel Messi þegar kemur að gæðum.
,,Þú hefur ekki áhyggjur af leikskipulaginu með þennan leikmann. Þú segir honum bara að fara út á völl og spila. Hann er með svo mikil gæði,“ sagði Scholes.
,,Það sem er pirrandi er að hann er ekki kominn á sama stig og Cristiano og Lionel Messi en ég held að hann sé með gæðin til þess.“
,,Hann þarf aðeins meiri kraft, aðeins meiri metnað. Ég veit ekki hvernig hann er á æfingasvæðinu, kannski hef ég rangt fyrir mér.“
,,Hvernig hann er á vellinum, það er eins og hann eigi mikið inni. Hann er sérstakur leikmaður, ekki misskilja mig. Hann er frábær í dag.„