Emil Hallfreðsson var í byrjunarliði Udinese í dag sem mætti Bologna í ítölsku úrvalsdeildinni.
Emil og félagar hafa verið í fallbaráttu í vetur en tryggðu sæti sitt í deildinni með 1-0 sigri í dag.
Emil lék næstum allan leikinn fyrir heimamenn en hann var tekinn af velli þegar tvær mínútur voru eftir.
Udinese endar tímabilið í 14. sæti deildarinnar, fimm stigum frá fallsæti.
Crotone þurfti sigur til að halda sæti sínu í deildinni í dag en liðið tapaði 2-1 fyrir Napoli.
