Rafael Benitez, stjóri Newcastle, myndi glaður taka á móti Fernando Torres í sumar en hann er á förum frá Atletico Madrid.
Torres hefur verið orðaður við Newcastle en hann þekkir vel til Englands eftir dvöl hjá Liverpool og svo Chelsea.
Benitez er hrifinn af framherjanum en býst við að það verði erfitt að lokka hann til félagsins.
,,Það yrði erfitt að mótmæla þeim skiptum en ég held ekki að það gerist,“ sagði Benitez við Marca.
,,Það væri erfitt að fá hann hingað en ekki útaf því að við viljum hann ekki. Ég veit ekki hvað hann er að hugsa um en það gæti verið eitthvað allt annað.“
