Mikel Arteta mun að öllum líkindum taka við Arsenal í næstu viku en helstu miðlar Englands greina frá þessu.
Arteta hefur verið í þjálfarateymi Pep Guardiola hjá Manchester City en lék fyrir það með Arsenal áður en skórnir fóru á hilluna.
Arteta verður líklega kynntur sem nýr stjóri Arsenal í næstu viku en hann hefur fundað með eigendum liðsins.
Arteta gaf þau skilyrði að hann myndi fá fulla stjórn á leikmannakaupum liðsins og ætlar að styrkja hópinn í sumar.
Spánverjinn vinnur nú í því að setja saman þjálfarateymið sitt og gæti Thierry Henry, fyrrum leikmaður Arsenal, verið partur af því.
Leikmannakaup Arsenal undanfarin ár hafa verið gagnrýnd harðlega af stuðningsmönnum liðsins og vill Arteta sjá til þess að aðeins réttu mennirnir komi inn.
