Guiseppe Marotta, stjórnarformaður Juventus, greindi frá því í dag að félagið væri að vinna í því að fá Emre Can.
Can er líklega á förum frá Liverpool í sumar en hann verður samningslaus og hefur enn ekki krotað undir.
Can hefur lengi verið á óskalista Juventus en ítalska liðið þarf að bíða þar til eftir úrslitaleik Meistaradeildarinnar.
Marotta staðfesti það í dag að hann væri fullviss um að liðið gæti tilkynnt komu leikmannsins eftir úrslitaleikinn.
Can gekk í raðir Liverpool sumarið 2014 frá Bayer Leverkusen og hefur spilað 115 deildarleiki síðan þá.