Luca Zidane, sonur Zinedine Zidane, fékk að byrja sinn fyrsta deildarleik fyrir Real Madrid í kvöld.
Zinedine Zidane ákvað að hvíla Keylor Navas í kvöld fyrir úrslitaleik Meistaradeildarinnar gegn Liverpool.
Aðrar stjörnur fengu þó ekki hvíld en leikmenn á borð við Gareth Bale, Cristiano Ronaldo, Marcelo og Toni Kroos byrjuðu leikinn gegn Villarreal.
Um er að ræða síðasta leik Real í deildinni en liðið getur ekki náð Barcelona sem hefur tryggt sér titilinn.
Luca er fæddur árið 1998 og er því 20 ára gamall en hann hefur spilað í marki B-liðs Real Madrid síðustu ár.