Manuel Pellegrini er að taka við keflinu hjá West Ham á Englandi. Sky Sports greinir nú frá.
Pellegrini yfirgaf lið Hebei China Fortune í Kína í dag þar sem hann hefur verið undanfarin tvö ár.
Pellegrini var óvænt orðaður við West Ham fyrir nokkrum dögum og er nú útlit fyrir að hann sé að taka við.
Pellegrini þekkir vel til Englands en hann var í þrjú ár hjá Manchester City áður en hann hélt til Kína.
Þessi 64 ára stjóri tekur við af David Moyes hjá West Ham sem yfirgaf félagið á dögunum.