Jose Mourinho, stjóri Manchester United, telur ekki að sínir menn hafi átt skilið að tapa gegn Chelsea á Wembley í dag.
Mourinho og félagar þurftu að sætta sig við 1-0 tap en Eden Hazard tryggði Chelsea sigur úr vítaspyrnu.
,,Ég óska þeim til hamingju með sigurinn en ég tel ekki að þeir hafi átt hann skilið. Ég er stjóri Manchester United og verða sýna virðingu, ekki bara því þetta er mitt fyrrum félag en í dag þá tel ég að við höfum átt skilið að vinna,“ sagði Mourinho.
,,Ég er forvitinn að vita hvað fólk myndi segja ef mitt lið hefði spilað eins og Chelsea í dag. Ég get rétt ímyndað mér það og er forvitinn.“
,,Það var erfitt að spila gegn liði sem varðist með níu menn án Romelu Lukaku. Ég fer hins vegar heim vitandi það að við gáfum allt í þetta. Við sjáum ekki eftir neinu.“
,,Ímynd leiksins er sú að David de Gea snerti ekki boltann. Hann snerti boltann þegar hann fór í netið.“