Leicester City á Englandi hefur staðfest það að Ricardo Pereira sé á leið til félagsins frá Porto.
Leicester greindi frá því á heimasíðu sinni að búið væri að ná samkomulagi við Porto um kaup á leikmanninum.
Um er að ræða 24 ára gamlan bakvörð sem getur einnig leyst stöðu vængmanns.
Ricardo eins og hann er kallaður á að baki 46 deildarleiki fyrir Porto og þrjá landsleiki fyrir Portúgal.
Leikmaðurinn eyddi tveimur árum í Frakklandi 2015-2017 en þá var hann í láni hjá Nice.