Eden Hazard skoraði eina mark Chelsea í dag er liðið tryggði sér sigur í enska bikarnum gegn Manchester United.
Framtíð Hazard er sögð vera í óvissu en hann er sterklega orðaður við Real Madrid
Antonio Rudiger grátbað Hazard um að fara ekki í viðtali eftir leikinn í dag en sá síðarnefndi var valinn maður leiksins.
,,Gerðu það vertu áfram hérna, þú verður áfram hérna,“ sagði Rudiger við Hazard í byrjun viðtalsins.
Hazard svaraði svo liðsfélaga sínum og segist ekki vera að einbeita sér að næstu leiktíð.
,,Nú einbeitum við okkur að HM og frídögunum sem við fáum. Við tölum ekki um næsta tímabil,“ sagði Hazard.
,,Ég þarf að sjá Toni Rudiger spila alla leiki eins og hann gerði í dag og þá verð ég hér áfram. Ég lofa því.“