Marseille myndi ekki selja vængmanninn Florian Thauvin fyrir 80 milljónir evra í sumar.
Þetta segir forseti félagsins, Jacques-Henri Eyraud en Thauvin hefur verið orðaður við Real Madrid og Atletico Madrid.
Thauvin átti stórkostlegt tímabil með Marseille en hann skoraði 22 mörk og lagði upp önnur 11 og fer á HM með Frakklandi.
Thauvin var á sínum tíma hjá Newcastle en gat ekkert á Englandi og var fljótt seldur aftur til Frakklands.
,,Ef það kemur tilboð í Thauvin upp á 80 milljónir evra þá mun ég ekki einu sinni horfa á það,“ sagði forsetinn.
,,Hann veit af stuðningnum sem Marseille hefur gefið honum. Þetta er ekki lokakaflinn í sögunni. Það eru fleiri blaðsíður sem þarf að skrifa.“