Eintracht Frankfurt fagnaði sigri í þýska bikarnum í kvöld er liðið mætti stórliði Bayern Munchen.
Niko Kovac er þjálfari Frankfurt en hann mun einmitt taka við Bayern í sumar en er ekki vinsælasti maðurinn þar í dag.
Frankfurt komst yfir snemma leiks með marki frá Ante Rebic og var staðan 1-0 í hálfleik.
Robert Lewandowski jafnaði svo metin fyrir Bayern snemma í síðari hálfleik en Bayern var mun sterkari aðilinn í leiknum.
Rebic komst svo aftur á blað undir lok leiksins áður en Mijat Gacinovic skoraði í uppbótartíma og lokastaðan 3-1 fyrir Frankfurt.