West Ham United hefur áhuga á að ráða Manuel Pellegrini sem nýjan stjóra félagsins fyrir næstu leiktíð.
Frá þessu greina enskir miðlar í dag en Pellegrini er fyrrum stjóri Englandsmeistara Manchester City.
Rafa Benitez og Unai Emery hafa verið orðaðir við starfið hjá West Ham en samkvæmt fregnum dagsins er Pellegrini efstur á listanum.
Pellegrini myndi kosta West Ham háa upphæð en hann stýrir í dag liði Hebei China Fortune í Kína.
Sílemaðurinn fær vel borgað í Kína en hann eyddi fyrir það þremur árum hjá City.
Einnig hefur Pellegrini stoppað hjá liðum á borð við Villarreal, Real Madrid og Malaga.