Arsene Wenger, stjóri Arsenal, sér mikið eftir því að hafa ekki fengið Cristiano Ronaldo til félagsins á sínum tíma.
Wenger reyndi að fá Ronaldo til Arsenal áður en Manchester United blandaði sér í baráttuna og tryggði sér undirskrift hans.
,,Augljósi leikmaðurinn sem við misstum af er Ronaldo. Hann var hérna með móður sinni og við vorum nálægt þessu,“ sagði Wenger.
,,Svo kom Manchester United inn í söguna og þeir voru með Carlos Quieroz sem þjálfara á þeim tíma.“
,,United spilaði gegn Sporting og Ronaldo var stórkostlegur og þeir keyptu hann.“
,,Þið getið ímyndað ykkur hvernig það hefði verið með Ronaldo og Thierry Henry saman. Það hefði breytt minni sögu aðeins hérna.“
