Það var mikil skemmtun á Origo-vellinum í kvöld er Valur fékk Stjörnuna í heimsókn í Pepsi-deild karla.
Leiknum lauk með 2-2 jafntefli en Stjörnumenn komust tvívegis yfir en í bæði skiptin jöfnuðu heimamenn.
Hér má sjá það góða og slæma úr leiknum.
Plús:
Það gerir svo mikið fyrir fótboltaleiki þegar bæði lið vilja vinna. Það var ekkert gefið eftir í dag. Frábært að sjá.
Hilmar Árni Halldórsson á að fara út. Hann á að vera erlendis að spila. Enn eitt markið í dag plús stoðsending. Of góður fyrir þessa deild.
Var ekki talað um að Valur væri einfaldlega búið að vinna deildina fyrir mót? Það er alls ekki þannig. Ekkert nema jákvætt að fá spennu í deildina.
Mínus.
Birkir Már Sævarsson, landsliðsmaður, leit illa út í öðru marki Stjörnunnar. Hilmar Árni hafði betur í baráttu um boltann, sendi fyrir og skoraði Baldur Sigurðsson.
Talandi um einstaklingsmistök. Haraldur Björnsson í öðru marki Vals. Eitt furðulegasta skógarhlaup sumarsins. Skrifast algjörlega á hann.
Valsmenn áttu aldrei að fá vítaspyrnuna í fyrri hálfleik. Tobias Thomsen féll eftir vindhviðu og blekkti Pétur dómara.