Kári Árnason er mættur heim til Íslands en hann hefur krotað undir samning við Víking Reykjavík.

Kári var mættur á landsliðsæfingu Íslands í dag en nú styttist loks í að HM fari af stað.

,,Þetta er eitthvað sem maður hefur verið að bíða eftir síðan við tryggðum okkur á HM þannig það er gaman að þetta sé loksins að renna í gerð,“ sagði Kári.

,,Ég skrifa undir eins og hálfs árs samning og svo spilum við það bara eftir eyranu hvernig það fer. Ef maður getur eitthvað ennþá þá er aldrei að vita hvort maður haldi áfram. Ég ætla ekki að vera nein byrði á Víking það kemur ekki til greina.“

,,Ég ætla ekki að vera að tala um minn persónulega samning við Víking það kemur ekki til greina en ég er bara fully focused á Víking eftir HM.“

,,Við förum í hvern einasta leik til að vinna hann og gameplanið er að ná þrem stigum úr öllum leikjum. Ef það tekst í hverjum leik þá vinnum við HM.“