Eden Hazard, leikmaður Chelsea, býst ekki við því að hann muni vinna Ballon d’Or verðlaunin á ferlinum.

Hazard hefur staðið sig vel á sex árum hjá Chelsea en hefur mest skorað 16 mörk í deildinni á einu tímabili.

Hazard segist ekki vera nógu sjálfselskur til að vinna verðlaunin og fær að heyra það sama frá föður sínum.

,,Hann hefur alltaf sagt það við mig. Kannski er það rétt,“ sagði Hazard um ummæli föður síns.

,,Ef þú vilt vinna eitthvað eins og Ballon d’Or í dag eða að vera markakóngur þá þarftu að vera sjálfselskur. Ég er alls ekki þannig, ég er bara eins og ég er.“