Juventus tók á móti Napoli í stórleik ítölsku Serie A um síðustu helgi en leiknum lauk með 1-0 sigri gestanna.
Það var Kalidou Koulibaly sem skoraði eina mark leiksins í uppbótartíma og varð bókstaflega allt vitlaust á vellinum þegar hann skoraði sigurmarkið.
Leikmenn Juventus voru afar pirraðir í leikslok og strunsuðu af velli og yrtu ekki á stuðningsmenn liðsins sem fylltu völlinn.
Stuðningsmenn Juventus voru ósáttir með þessa hegðun leikmanna liðsins og mættu fyrir utan æfingasvæði Juventus á dögunum til þess að lýsa yfir óánægju inni.
„Það var góð ákvörðun hjá ykkur að koma hingað. Við vorum sárir og svekktir og létum það bitna á ykkur sem var rangt,“ sagði Buffon við stuðningsmenn félagsins.
„Við áttuðum okkur ekki á því að við værum að gera eitthvað rangt og við biðjumst afsökunar á því. Fyrir hönd allra hjá félaginu bið ég ykkur afsökunar,“ sagði hann að lokum.