Liverpool tók á móti Roma í fyrri leik liðanna í undanúrslitum Meistaradeildarinnar í gærdag en leiknum lauk með 5-2 sigri heimamanna.

Þeir Mohamed Salah og Roberto Firmono skoruðu báðir tvívegis í leiknum og þá skoraði Sadio Mane eitt mark fyrir Liverpool.

Þeir félagar hafa raðað mörkunum inn í Meistaradeildinni á þessari leiktíð og eru nú, saman komnir með 28 mörk í keppninni.

Þeir félagar hafa skorað meira en PSG, Real Madrid, Bayern Munich og Manchester City í keppninni í ár sem er í raun galin tölfræði.

Real Madrid þykir líklegasta liðið til þess að vinna Meistaradeildina í ár en þeir eiga titil að verja í keppninni.

Liðið mætir Bayern Munich í fyrri undanúrslitaleik liðanna í kvöld í Þýskalandi en síðari leikurinn fer fram eftir tæpa viku á Spáni.

Salah, Firmino og Mané – 28
PSG – 27
Real Madrid – 26
Bayern Munich – 23
Manchester City – 20