Bayern Munich tók á móti Real Madrid í fyrri leik liðanna í undanúrslitum Meistaradeildarinnar í kvöld en leiknum lauk með 2-1 sigri gestanna.
Joshua Kimmich kom Bayern yfir um miðjan fyrri hálfleikinn en Marcelo jafnaði metin fyrir Real Madrid undir lok hálfleiksins.
Það var svo Marco Asensio sem skoraði sigurmark leiksins á 57. mínútu og lokatölur því 2-1 fyrir Real Madrid.
Sergio Ramos, fyrirliði Real Madrid var að vonum sáttur með sigurinn í kvöld.
„Þetta var ekki okkar besti leikur en við vorum öruggir í kvöld,“ sagði Ramos.
„Við vörðumst vel og náðum að halda þeim ágætlega frá markinu okkar.“
„Þetta er skref í rétta átt,“ sagði hann að lokum.
