Alexis Sanchez, sóknarmaður Manchester United segir að United sé stærra félag en Arsenal í dag.
Sanchez gekk til liðs við United í janúrglugganum en hann kom til félagsins frá Arsenal í skiptum fyrir Henrikh Mkhitaryan.
Leikmaðurinn hefur ekki náð að sýna sitt rétta andlit á Old Trafford og hefur verið talsvert gagnrýndur fyrir sína frammistöðu síðan hann kom.
„Þetta er allt öðruvísi hér, þetta er stærra félag með stærri sögu og hérna snýst allt um að vinna titla,“ sagði Sanchez.
„Þetta er stórt félag, eitt af þeim stærstu í heimi og ég er ennþá að venjast því.“
„Við þurfum að halda áfram að bæta okkur sem lið og á næsta ári ætlum við að berjast um titla á öllum vígstöðvum,“ sagði hann að lokum.
