Alex Oxlade-Chamberlain, leikmaður Liverpool meiddist illa á hné í leik liðsins gegn Roma í gær.

Hann var í byrjunarliðinu en þurfti að yfirgefa völlinn á 18. mínútu eftir að hafa snúið illa upp á hnéð á sér.

Í fyrstu var talið að hann væri með slitin krossbönd en núna reiknar læknalið Liverpool með því að hann verði klár í haust þegar tímabilið hefst.

Hann mun hins vegar, að öllum líkindum missa af HM í Rússlandi í sumar vegna meiðslanna sem er gríðarlegt áfall fyrir leikmanninn.

Chamberlain kom til Liverpool síðasta sumar frá Arsenal og hefur verið frábær í undanförnum leikjum.