Það eru allir á því að Valur muni vinna Pepsi deildina í sumar en liðið hefur leik gegn KR á föstudag klukkan 20:00.
Haukur Páll Sigurðsson fyrirliði Vals er klár í slaginn en hann fór yfir hlutina í hlaðvarpsþætti Vals, Vængjum þöndum.
,,Það getur farið öfugt í menn, ég held að leikmannahópurinn viti það alveg að við getum spilað alveg herfilega leiki ef hausinn er ekki rétt skrúfaður á. Við erum meðvitaðir um það hvað við þurfum að leggja í hvern leik,“ sagði Haukur Páll í þættinum.
Valsmenn fór í æfingaferð til Bandaríkjanna á dögunum þar sem liðið slípaði sig saman.
,,Ef við erum ekki með grunnatriðin í lagi þá erum við ekki góðir, við vitum að við erum gott fótboltalið. Það þarf að leggja ákveðna vinnu í hvern leik, ef hún kemur þá mun fótboltinn fylgja með.“
,,Við slípuðum okkur vel saman úti í ferðinni og það hefur gengið vel í þessum leikjum síðan við komum heim, við ætlum að láta það halda áfram inn í mótið.“
Þáttinn má heyra hér að neðan en Benedikt Bóas Hinriksson stýrir þættinum.
[soundcloud url=“https://api.soundcloud.com/tracks/434449398″ params=“color=#ff5500&auto_play=false&hide_related=false&show_comments=true&show_user=true&show_reposts=false&show_teaser=true&visual=true“ width=“100%“ height=“300″ iframe=“true“ /]