Sol Campbell, fyrrum varnarmaður Arsenal telur að Patrick Vieira sé fullkominn til þess að taka við liðinu í sumar.
Arsene Wenger, stjóri liðsins tilkynnti það í síðustu viku að hann myndi hætta með liðið í sumar þegar tímabilið klárast.
Vieira var fyrirliði Arsenal á sínum tíma og telur Campbell að hann sé frábær kostur fyrir félagið þegar Wenger hættir.
„Mér finnst að þeir eigi að leita til fyrrum leikmanns félagsins. Einhver sem hefur spilað fyrir félagið og hefur reynslu af því að þjálfa,“ sagði Campbell.
„Arteta er góður kostur en ég tel að Patrick sé fullkominn til þess að taka við liðinu og hann gæti fengið Dennis Bergkamp með sér, þeir eru mjöggóðir vinir í dag.“
„Þeir hafa báðir reynslu af þjálfun og ég tel að þeir væru mjög góð blanda fyrir Arsenal,“ sagði hann að lokum.