Eiður Smári Guðjohnsen mun spila með Chelsea þegar liðið mætir Inter í goðsagana leik í næsta mánuði.
Michael Ballack verður einnig með en frá þessu var greint í dag.
Eiður átti farsælan feril með Chelsea. ,,Ég get ekki beðið eftir því að spila aftur á Stamford Bridge með fyrrum liðsfélögum og vinum, margir magnaðir leikmenn,“ sagði Eiður.
Leikurinn verður til heiðurs Ray Wilkins sem féll frá á dögunum.
,,Ray hafði mikil áhrif á mig sem persónu og atvinnumann og ég veit hvaða áhrif hann hafði á alla hjá Chelsea.“
Ásamt Eiði og Ballack hafa Gianfranco Zola, Marcel Desailly, Roberto Di Matteo, Dennis Wise og Gianluca Vialli boðað komu sína.
