Samkvæmt Manchester Evening News reynir Manchester United nú að trygga sér Fred miðjumann Shaktar Donetsk.
Pep Guardiola stjóri Manchester City vildi kaupa Fred í janúar en meiðsli í vörninni breyttu því. City festi kaup á Aymeric Laporte í staðin.
Nú er sagt að City hafi ekki lengur áhuga á Fred en samkvæmt MEN er áhugi United mikill.
Félagið á að hafa skoðað Fred vel og eftir að félagaskiptaglugginn í janúar lokaði hefur félagið rætt við umboðsmann hans.
United vill styrkja miðsvæðið sitt í sumar en Marouane Fellaini er að fara frítt frá félaginu og Michael Carrick er að hætta.
Sagt er að Mourinho vilji fá tvo miðjumenn til félagsins í sumar auk þess sem hann vilji styrkja varnarlínuna.