Leiðin á toppinn fyrir Jordan Henderson fyrirliða Liverpool hefur ekki verið einföld. Hann hefur upplifað mikið mótlæti.
Liverpool keypti Henderson á 18 milljónir punda árið 2011 og átti hann ekki gott fyrsta tímabil.
Sumarið 2012 var svo komið að því að Liverpool vildi losa sig við hann og það í hvelli. Brendan Rodgers vildi losa Henderson til Fulham í skiptum fyrir Clint Dempsey.
Henderson stóð fast á sínu og neitaði að yfirgefa Bítlaborgina, hann átti sér stærri drauma en bara eitt slakt tímabil.
Henderson tók svo við fyrirliðabandinu árið 2015 eftir að Steven Gerrard fór og síðan þá hafa stuðningsmenn Liverpool byrjað að dýrka hann og dá.
Henderson mun leiða Liverpool út á völlinn í undanúrslitum Meistaradeildarinnar í kvöld, takist honum að sigla liðinu alla leið að titlinum, hefur nafn hans verið ritað í sögubækur félagsins.