James Pallotta forseti Roma segir að eigandi Liverpool hafi talið sig vera að borga alltof mikið fyrir Mohamed Salah síðasta sumar.
Liverpool borgaði þá Roma um 35 milljónir punda fyrir Salah síðasta sumar.
Það verð var hins vegar langt því frá að vera of hátt, Salah hefur raðað inn mörkum og verið besti leikmaður Englands.
Salah mætir gamla félaginu sínu í kvöld í fyrri leik liðanna í undanúrslitum Meistaradeildarinnar.
,,Hann var að röfla um að þetta væri of hátt verð, hann hélt það. Ég sagðist bjóða honum í mat,“ sagði Pallotta um John W Henry eiganda Liverpool.