Bayern Munich tekur á móti Real Madrid í fyrri leik liðanna í undanúrslitum Meistaradeildarinnar á morgun klukkan 18:45.
Mikil eftirvænting ríkir fyrir leiknum enda tvö af sigursælustu liðum Evrópu að mætast.
Þeir David Alaba og Corentin Tolisso, leikmenn Bayern Munich eru báðir tæpir fyrir leikinn en Jupp Heynckes, stjóri liðsins greindi frá þessu í dag.
Alaba hefur verið meiddur á baki undanfarnar vikur og þá hefur Tolisso verið að glíma við meiðsli á sköflung.
Alaba hefur verið lykilmaður í liði Bæjara, undanfarin ár en Tolisso kom til félagsins frá Lyon, síðasta sumar og hefur komið við sögu í 35 leikjum með liðinu á þessari leiktíð.