Liverpool tekur á móti Roma í fyrri leik liðanna í undanúrslitum Meistaradeildarinnar á morgun klukkan 18:45.
Mikil eftirvænting ríkir fyrir leiknum en Mohamed Salah, sóknarmaður Liverpool er að mæta sínum gömlu liðsfélögum eftir að hafa komið til Liverpool frá Roma, síðasta sumar.
Salah hefur verið magnaður á þessari leiktíð og er kominn með 41 mark í öllum keppnum fyrir Liverpool en Eusebio Di Francesco, stjóri Roma segist ekki hafa rætt það við leikmenn sína hvernig þeir eigi að stoppa Egyptann á morgun.
„Ég þarf ekki ræða Salah við leikmenn mína. Þeir vita allir hvað hann getur,“ sagði stjórinn.
„Það má ekki gleymast að ég undirbjó mig fyrir leiki gegn honum á Ítalíu á sínum tíma líka.“
„Það er samt jákvætt fyrir okkur að margir af leikmönnum liðsins þekkja hann vel og ég til það vera ákveðið forskot fyrir okkur,“ sagði stjórinn að lokum.